Често поставувани прашања

Договор за управувачки услуги е Договор кои сопствениците на посебни делови, односно нивниот овластен претставник го потпишува со Управителот со цел преземање на одговорностите за управување и одржување на Зградата од страна на Управителот. Со Договорот за управувачки услуги се уредуваат следниве работи: права и обврски на управителот; права и обврски на сопствениците; висина на надоместоци за тековно одржување; висина на надоместоци за инвестициско одржување (резервен фонд); висина на надоместокот за управувачки услуги; начин и рок на плаќање.

Договор за заемни односи е договор кои Сопствениците го склучуваат меѓусебно и со кои се уредуваат односите помеѓу Сопствениците во врска со управувањето со Зградата и користење на заедничките простории. Овој договор ги опфаќа за следниве работи: начин на користење на заедничките простории; куќен ред на Зградата; висина на износите и начин на плаќање на трошоците за редовно одржување; начин на воспоставување на резервниот фонд на Зградата; намена на споредните простории што се користат од страна на Сопствениците; начин на користење на споредните простории за посебни намени; посебни ограничувања на правото на користење на споредните простории; посебни овластувања на Управителот на Зградата.

Работите, правата и обврските на управителот се пропишани со Законот за домување и со Договорот за управувачки услуги. Управителот се грижи за реализација на одлуките на собирот на сопственици, за тековно и инвестициско одржување на зградата, подготвува план за одржување на зградата, подготвува пресметка на трошоците на зградата, ги прима уплатите и врши исплати по основ на договорени обврски, води евиденција на плаќањата на трошоците, ја застапува заедницата на сопственици пред трети лица и во правниот промет, поведува постапка пред надлежни органи во случај на неплаќање на износот за редовниот и резевниот фонд на зградата, склучува договори за тековно одржување на зградата, редовно ги известува станарите за превземаните активности.

Како лиценцирана компанија за вршење на дејностите на управување со станбени згради според Законот за Домување, со лиценци од 2017 и 2022година издадени од Регулаторна комисија за домување, Идеал Логистик го нуди својот професионализам во управувањето и одржувањето на станбените згради. Доколку имате потреба од одговорен и посветен управител на Вашата зграда, Идеал Логистик е вашиот вистински избор.

За да може да склучите Договор за управувачки услуги со Идеал Логистик, потребно е дада биде донесена писмена согласност од мнозинство на сопствници на посебни делови 51% од станбениот објект. Потоа потребно е да изберете лице овластен претставник на влезот, односно лице за контакт со Управителот кое исто така е одговорно за контрола на работењето на управителот во зградата.

Согласно Законот за домување, за извршување на работите на одржувањето на станбената зграда се формираат Фонд за редовно одржување и Резервен фонд. Фондот за редовно одржување се користи за активности и мерки за тековно одржување на зградата. Паричните средства од резервниот фонд можат да се користат исклучиво со писмена согласност од мнозинство на станари.

Сопствениците на посебни делови се одговорни за плаќање на сите трошоци кои што произлегуваат од управувањето и другите што трошоци што потекнуваат од станбената зграда во согласност со своите сопственички делови, без оглед дали во станот живее некој или не.

Сопствениците на посебните делови задолжително формираат резервен фонд. Постои Правилник за висината на износот за посебните делови во резервниот фонд. Средствата од резервниот фонд не можат да бидат дел од стечајната маса на управителот наменет за намирување на побарувањата истакнати од страна на неговите доверители. Сопствениците на посебните делови не можат да бараат враќање на износите уплатени во резервниот фонд.

Сопственикот на посебен дел е должен да дозволи во неговиот дел од зградата да се извршат нужни интервенции поради отстранување на пречки при користењето на правото на сопственост на друг дел од зградата или на делови од зградата што се во функција на зградата како целина со тоа што направените штети поради таа интервенција мораат да му се надоместат на овој сопственик.

Согласно Законот за домување, сите сопственици на станови се обврзани да ги подмират средствата за тековно и инвестициско одржување на зградата. Бидејќи затнат олук припаѓа во инвестициско одржување на зградата, средствата платени за чистење или промена на олук мора да ги надоместат сите сопственици на станови од влезот каде што е направена интервенцијата.

Со оглед на тоа што покривот претставува заеднички градежен елементи, сите сопственици на посебни делови се одговорни за плаќање на трошоците коишто произлегуваат од управувањето.